سیّدا، اول مه بی مهر فراغیندا بو گون

وصل یارایله یئتیشدی هامی بایرامه، کؤنول،
یئتمدین دولت دیدارایله سن کامه، کؤنول.
دانۀ اشک تؤکوب ائتمه تمنای وصال،
گلمز اول مرغ هوماپیشه بیزیم دامه، کؤنول.
خلقه عید اولدو، ولی، ماه محرمدی منه
کی، فراق ایله گونوم دؤندو بو گون شامه، کؤنول.
گؤز قراسین حل ائدیب خامۀ مژگان ایله،
یئری واردیر یازاسان دلبره بیر نامه، کؤنول.
روز عید اولدو، منیم یار گول اندامیم یوخ،
نه هوس ایلییم اول بادۀ گولفامه، کؤنول.
یئتمک اولماز بو گون اول دلبر سیمین بدنه،
دوشمه بیجا یئره سن بو طمع خامه، کؤنول.
سیّدا، اول مه بی مهر فراغیندا بو گون
نه ائدر باده یه رغبت، نه باخار جامه کؤنول.