یوسفیم، گل ائیله‌مه مونجا جفا لر سیّده

پرتو حسنون پوزوبدور نور مهر انوری،
رونق حسنون دور ای ماهیم، جاهانین زیوری.
آیۀ وّسیف قاشین دیر بو یوزدن دهر آرا،
ثابت ائیلر خلقه حقن ذوالفقار حیدری.
بو پری رولردیر عالمده مسخر نعلینه،
مور خطیم، لب لرین دیر اول جمعین انگشتری.
شوره سالدی پوستۀ خندانین اهل عالمی،
ای شکرلب، قامتین گؤستردی شور محشری.
گوشۀ میخانه ده بسدیر بیزه سینمیش سفال،
چرخ مینانین اگر خورشیددن وار ساغری.
عارضین جوهردیر، اول جوهر یانیندا گون ارز،
هانی افلاتون کی، فرق ائتسین ارزدن جوهری.
یوسفیم، گل ائیله‌مه مونجا جفا لر سیّده،
ائتمه رنجیده اؤزوندن خاطر پیغمبری.