اولفتیمدن بو قدر ائتمز ایدی عار اول گول

چکمه، ای دوست، بو گون دامن صحرایه منی،
یوخدور اول ماه، آپارما بو تاماشایه منی.
اولدوم آشفته پری لر سر گیسوسوندان،
نه دئیم آدمه کیم، گتدی* بو دنیایه منی.
عکس رخساروی دل جامده گؤرجک، ای گول،
سالدی یوز رنگ ایله بیر اؤزگه تمنایه منی.
اولماسایدی او خطین، قاضی بیضاوی گلیب،
ساکت ائتمزدی اگر شرح ائده معنایه، منی.
سایۀ سرو قدین تا کی، گئدیب دیر سردن،
اینجیدیر گولشن آرا گول دن اولان سایه منی.
کاکیلین شوقو ایله قاره یه باتدیم ائله کیم،
اوخشا دیر اهل نظر کعبۀ اولیایه منی.
اولفتیمدن بو قدر ائتمز ایدی عار اول گول،
اوخشادیب دیر، بیلیرم، سیّد روسوایه منی.
————————————————-
* گتیردی