او قدر آختاراسان، ای شه دیار وفا

دونن گئجه منه هم بزم بیر سمنبر ایدی،
مه جمالی ایله گؤزلریم منور ایدی.
باشیمدا نعشۀ مئی، خاطریمده ذوق و صفا،
بیر الده ترۀ دلبر، بیر الده ساغر ایدی.
گئجم او حور جمالیله روز تک روشن،
یئریم بهشت برین، باده م آب کوثر ایدی.
نه خواهش ایله سم اول بزم آرا اولوب حاصل،
نه آرزو ائله سم یاردن مصر ایدی.
او گونه چوخ گئجه‌لر گؤرموشم بهشت آسا، –
و لیک، اول گئجه هم، بیر بهشت دیگر ایدی.
خدا کئچن گئجه نی عمرومه حساب ائله سین –
کی، هر دقیقه سی یوز مین گونه برابر ایدی.
او قدر آختاراسان، ای شه دیار وفا
کی، حیف اؤلدو بو سیّد، غریبه چاکر ایدی.