منو
بچّۀ باده فروشون کی، گؤره رخسارین
زاهدین گر گذری بیر دوشه میخانه ساری،
کافرم گر دؤنه اول مسجید ویرانه ساری.
دوست لر، ائیله‌میشم بادۀ ناب ایله وضو،
دؤندرین بس دخی سجادمی بتخانه ساری.
زاهدا، سن منی مئیخواره بیلیرسن، یوخسا
او نه باخماقدی حقارتله بو دیوانه ساری؟
ائیله مزدیم بو قدر بادۀ گولگونه هوس،
ساقی نین عکس روخو دوشمه سه پیمانه ساری.
بچّۀ باده فروشون کی، گؤره رخسارین،
بیرده دیوانه‌دی سیّد باخا قرآنه ساری؟!