بو قدر هجرده افسوس چکرسن سیّد

اؤلدورور گرچی، کؤنول، حسرت پابوس سنی،
وار امیدیم کی، فلک ائتمه یه مایوس سنی.
زاهدین ائتمه نظر جامی پشمینه سینه،
کؤنول، آلداتماسین اول خیرقۀ سالوس سنی.
بو دل شیشه مثالیندا ندیر رشتۀ جان،
یئری واردیر دئسه‌لر شعلۀ فانوس سنی.
ای فلک، گل کی، بیر اگری اوتوروب دوز دانیشاق،
اثر آهیم ائدیب دیر بئله منکوس سنی؟
وصلده گؤز یوموبان عارض یاره باخیرام،
ائدرم هجره، کؤنول، وصلده پابوس سنی.
گؤرمدیم بیر دل آچان یئر در دلدار کیمی،
ای صبا، کیم ائلدیم هر یئره جاسوس سنی.
بو قدر هجرده افسوس چکرسن سیّد،
اؤلدورور آخری، افسوس، بو افسوس سنی!