امید وار کی، ائده عفو جورمومو جورمی

نئچه ردیف غزل ائتدیم اینتیخاب، دئدیم،
نظیرۀ شورای فلک جناب دئدیم.
اولار کی، هر بیری بیر آفتاب رخشان دیر،
بو ذره تا اولا خورشیده اینتصاب، دئدیم.
نظیرۀ غزل جورمییه ائدیب ایقدام،
هزار جرم و قصورایله بیر جواب دئدیم.
حجاب ائیله‌مه‌دیم گؤفتۀ ثریادن،
جواب اول اختر تابانه بی حجاب دئدیم.
منیری نیییر اعظمدی چرخ نظم اوزره،
نه عیبی، گر اونو نسبتده آفتاب دئدیم.
جگرده داغ نهان بیر جاواب دل خونه،
خجالت آتشینه دل اولوب کباب، دئدیم.
کؤنولده وار نهان اشتیاق مشتاقه،
اولور کی، بیر گون اولا وصله فتح باب، دئدیم.
امید وار کی، ائده عفو جورمومو جورمی،
خطا لریمی بیلیب، سیّدا، جواب دئدیم.