یئتیشدی جنّت کویینه آخر اول حورون

اگرچی سنسیز اولور اهل عشقه باده حرام،
لبین خیالی ایله واجیب اولدو شورب مدام.
همیشه دلده لبین شوقیدیر، گؤزون فکری
کی، رند مئی کشه لازیمدی شکّر و بادام.
صفای کویوه احرام باغلایان عاشیق،
یئری وار ائتمه سه، ای شوخ، کعبه ایچره مقام.
حدیث روضه بیان ایلییرسن، ای واعظ،
جمال یاریما بیر باخ، سؤزون میان کلام.
اؤزونو بیر گئجه اوخشاتدی عارض یاره،
بو وجه دندی کی، نقصانه دوشدو ماه تمام.
گؤروب عذارینی زلف سیه جیواریندا،
دئدیم سواد ارم دیر، بو اول حوال شام.
یئتیشدی جنّت کویینه آخر اول حورون،
قوتاردی سیّد اؤزون، والسلام، والاکرام!