هر بوالهوسه ایندی نصیب اولدو وصالین

ای گول، سنه اولده خریدار من اولدوم،
آخر نظرینده هامی دان خوار من اولدوم.
آلدیم سنی جان نقدینه، ای یوسف ثانی،
عشقینده زولیخای دل افکار من اولدوم.
عشقیم منی انگشت نما قیلدی جاهانه،
ای قاشی هلالیم، سنه تا یار من اولدوم.
وئردیم، صنما، آیینۀ حسنوه صیقل،
عالمده سنه رونق بازار من اولدوم.
بیر کعبه ایدین، هیچ زیارت ائده نین یوخ،
گلدیم، دولانیب باشوا زوار من اولدوم.
سینای سر کویوه گلدیم “ارنی” گوی،
ای نور خدا، طالب دیدار من اولدوم.
هر بوالهوسه ایندی نصیب اولدو وصالین،
سیّد کیمی هجرانه گرفتار من اولدوم.