چاغیرین قئیس ایله فرهادی ییغیلسین باشیم

ساقی، مئی وئر، گئنه بیر تازه گناه ایسته ییرم.
قارا گؤز، نامۀ اعمالی سیاه ایسته ییرم.
ندی خط دن بو حجابین، گؤتور اول بورقنی کیم،
ائتمگه نامۀ اعمالی تباه، ایسته ییرم.
بی کس و دربدرم پوشت و پناهیم یوخدور،
اؤزومه لطف خداوندی پناه ایسته ییرم.
آسیتانن ایتینه ایسته ییرم همدم اولام،
ماشاللاه، نه گؤزل رتبه و جاه ایسته ییرم!
غرضیم خاک در یاره گدا لیقدی منیم،
من گدا زاده یه باخ، رتبۀ شاه ایسته ییرم.
محریم آرتار سنه رخساروه گلدیکجه خطین،
دایم اول باغده من مهر و گیاه ایسته ییرم.
چاغیرین قئیس ایله فرهادی ییغیلسین باشیما،
سیّدم، عرصۀ عشق ایچره سپاه ایسته ییرم.