غنچه کیمی کؤنلوم دؤنه جک قانه کی، سیّد

باغ ایچره گلیب یاریمی اغیارایله گؤردوم،
قان اولدو کؤنول کیم، او گولو خارایله گؤردوم.
عشق ایچره منه رونق بازار پوزولدو،
اول یوسفی بیر غیر خریدارایله گؤردوم.
ویرانه کؤنول بیر دخی آباد اولا بیلمز،
کیم، گنج نهانیمی بو گون مارایله گؤردوم.
پئیکانلارینا ائیله‌دی کؤنلومو نشانه،
الطافینی، الحق، بو دل زارایله گؤردوم.
اول ماهه قرین اولموش ایدی گوشه نشین لر،
ثابت لری اول کوکب سییارایله گؤردوم.
ای کاش اولایدی بو تماشاده گؤزوم کور،
بیگانه‌لری گولشن آرا یارایله گؤردوم.
غنچه کیمی کؤنلوم دؤنه جک قانه کی، سیّد،
اول نوگولو بیر اؤزگه خریدارایله گؤردوم.