قدین خیالینی هر وقت کیم سالیر یاده

اگرچی حشرده پیدا او سرو قامت اولور،
فضای محشر آرا اؤزگه بیر قیامت اولور.
کؤنولده زخمیمی قانلی سرشکیم ائتدی عیان،
دنیزده قان بالیغین زخمینه علامت اولور.
اگر او ماهی زولئیخا گؤره بو صورت ایله،
هوای یوسف اونا مایۀ ندامت اولور.
مگر قیامه گلیب دیر قیامت کوبرا،
و یا کی، جلوه گر اول شوخ سرو قامت اولور.
قدینله فیتنۀ آخرزامان اولور پیدا،
بو فتنه دن اؤزونو ساخلایان سلامت اولور.
چکیبدی تیغ جفا یار، اگر تؤکه قانیم،
کما ل لطف دور اول، غایت کرامت اولور.
قدین خیالینی هر وقت کیم سالیر یاده،
میزاج سیّد دل خونه ایستیقامت اولور.