بیر سؤز، یوزه گلمز سنه اول شاهد مقصود

بیر بیلمدیم آخر نیه بو قاش گؤزه گلدی،
چیخسین گؤزو، اغیار گؤزوندن گؤزه گلدی،
دئرلردی وجود دهن یار عدم دیر،
اول نقطۀ سربست آچیلدی، سؤزه گلدی.
تیغ ائتدی خطین پاک اوزوندن او نگارین،
المنت و لیللاه، گئجه میز گوندوزه گلدی.
دیل روز الست ائتدی قبول غم عشقین،
ناسوته قدم قویدو، بلایه دؤزه گلدی.
تارایله ین اول آییننی دود دلیم دیر،
سن بؤیله خیال ائتمه کی، خطین اوزه گلدی.
طوفان سرشکیم چکیلیب روی زمیندن،
گؤردوکده اونو کوهکن ایندی دوزه گلدی.
گؤردو اؤلورم حسرت چشمیندن او شوخون،
سورماغا غمیم، چشم خوماریم سؤزه گلدی.
بیر سؤز، یوزه گلمز سنه اول شاهد مقصود،
سیّد، توتالیم سال حیاتین یوزه گلدی.