ای صفای خاطریم، بیر شیشه احسان ائیله‌ییب

ای اولان عشقیله منظوری دل نالانیمین،
کعبۀ مقصودیسن، ذوق صفاسی جانیمین.
ائیلر ایدیم کعبۀ کویینده قربان جانیمی،
لایقی اولسایدی گر اول کوده بو قربانیمین.
وصف لعل روح بخشین دیر کلام شکّری،
ذکر نام دلکشین دیر زینتی دیوانیمین.
آفتآبیارضین دیر آسمان فکریمین،
لعلی وصف لب لرین دیر طبع دور افشانیمین.
باشیما یاغدیردی آخر چرخ مینافامدن
داشلار، ای نامهربان، تأثیری اؤز افغانیمین.
دود قلیان تک قارالدی روزگاریم غصه دن،
چیخدی افلاکه شراری سینۀ سوزانیمین.
شیشۀ کؤنلوم کیمی سنگ حوادث دن بو گون،
ای پری پیکر، سینیب دیر شیشه سی قلیانیمین!
ای صفای خاطریم، بیر شیشه احسان ائیله‌ییب،
سعی قیل تعمیرینه بو خاطر ویرانیمین!