گؤره نلر صفحۀ رویینده، سیّد، خطین اول شوخون

نئچه مهر و گؤزل شیرواندا کؤنلومدن قرار آلمیش،
تنیمدن تاب، گؤزدن خواب، الدن اختیار آلمیش.
ائدیب دیر هر بیری نین غمزۀ خونخواری صید دل،
سانیرسان شاهبازی – آهنین میخ لب شکار آلمیش.
بیری سی آلماغا جانیم گؤتورموش خنجر بوران،
بیری سی تؤکمگه قانیمی تیغ آبدار آلمیش.
بیری ظاهر نگاه ایله آلیب دیر جانیمی پنهان،
بیری نین غمزۀ پنهانی کؤنلوم آشکار آلمیش.
نه دین قویموش، نه ایمان منده، نا آیین و نه مذهب،
بو کافربچه دلبرلر الیمدن هر نه وار آلمیش.
خصوصاً اول نگار سرو قامت، یار مه سیما
کی، تاب توره سیندن رنگ و بو مشک تاتار آلمیش.
گؤره نلر صفحۀ رویینده، سیّد، خطین اول شوخون
سانیر کیم، کشور رومو سپاه زنگبار آلمیش.