یئتیشدی قطره‌لر اول بحر وحدته، سیّد

گؤروب ضیای روخون کوی یاره گلدیم من،
امید وصلی ایله بو دیاره گلدیم من.
وصالی دؤندو منه اولدو آخری هجران،
یقین کی، چشم بد روزگاره گلدیم من.
نه کاره یم، نچییم، باده ایله سادم یوخ،
اؤزوم ده بیلمییرم کیم، نه کاره گلدیم من.
نه آه و زار ایدی بو، بیر گولون فراغیندا،
الیندن، ای دل خونگشته، زاره گلدیم من.
سیزی تاری منه بو دم لری وئرین فرصت،
شکایته بو در شهریاره گلدیم من.
منجیم ائتدی نظر بختیمین ستاره سینه،
اونون تصورونه بخت قاره گلدیم من.
یئتیشدی قطره‌لر اول بحر وحدته، سیّد،
او بحرده دور ایدیم، گؤر، کناره گلدیم من.