قددینی “الیف”، زلف سیاهینی دئدین “لام”

رخسارین آچیب بولبولو شیدا ائله دین سن،
بولبول نظرینده گولو روسوا ائله دین سن.
آغوش ون اوچون بس کی، قولوم آچیلا قالدی،
کافر، منی بیر شکل چلیپا ائله دین سن.
بورقه گؤتوروب اول عرق آلوده یوزوندن،
گون اوزره عیان عیقد ثریا ائله دین سن.
نطقه گلیب ائتدین بو دل موردنی احیا،
ظاهر گئنه اعجاز مسیحا ائله دین سن.
تؤکدون یوزه اول زلف خم اندر خمی، ای مه،
خورشیده حجابین شب یلدا ائله دین سن.
یئردن گؤگه وار یوسف ایله فرق سنینچون،
چوخ یوسفی عشقینده زولئیخا ائله دین سن.
هجر روخ آلیندا ایکی چشمیمی، ای گول،
خوناب ایلا مئی دن دولو مینا ائله دین سن.
قددینی “الیف”، زلف سیاهینی دئدین “لام”،
سیّد، بو الیف لامی نه معنا ائله دین سن؟