سیّدین وار ایدی بیر جزعی اولان ایمانی

خط گلیب مصحف رخسارینا معناسی اوچون،
آیۀ نوره دوشوب شرح تجّلاسی اوچون.
رشک ائدیر بیر بیرینه مردمکی دیده لریم
نقطۀ خالی نین، ای شوخ، تماشاسی اوچون.
عشقینه دوشدو مسیحا چو بو زیبا سنمین،
چارمیخه چکیلیب زلف چلیپاسی اوچون.
خواهش ائتدی دهنین سرّینی چوخ لار، امّا
اولدو معدوم بو بیر نقطه معماسی اوچون.
زاهدا، دینوی سن وئردین عبث شیطانه،
شیخ صنعان وئریب اؤز دلبر ترساسی اوچون.
وئردی جان کؤنلومو زلف سیهینه او مهین،
چاره بیلدی اونو رفع غم سوداسی اوچون.
مار ضحاک ایدی گیسوسی، فریدون خطی،
بو فریدون گلیر دفعنه دواسی اوچون.
سیّدین وار ایدی بیر جزعی اولان ایمانی،
ائیله‌دی نذر اونو دا شهر کلیساسی اوچون.