منو
سیّد، او قارا گؤزلو منیم کسدی قراریم
رحم ائتمه‌دی احوالیما یاریم، بئله کئچدی،
بیر باخمادی اول نازلی نگاریم، بئله کئچدی.
هنگام باهار اولدو، ایشیم بئیله خزان دیر،
یا رب، نئجولور*، چونکی باهاریم بئله کئچدی.
گوندوزلر ایشیم ناله، گئجه گؤز یاشی همدم،
اول زلفو روخ عشقینده مداریم بئله کئچدی.
سالدیم اؤزومو پای سمندینه او شاهین،
لطف ائتمه‌دی اول شاهسواریم، بئله کئچدی.
یار اؤزگه‌لرین مجلسی نین اولدو چراغی،
من هجرده قالدیم، شب تاریم بئله کئچدی.
سیّد، او قارا گؤزلو منیم کسدی قراریم،
صحرای محبتده قراریم بئله کئچدی.
———————————————
* نئجه اولور