سیّد، عمّامه می آل باشدان ایاغ مئیه وئر

گئنه بیر نامه ایله یاده سالیب یار منی،
بخت هاندان بو ایشه گؤردو سزاوار منی.
منی اول ماه لیقا یادینا سالماز، بیلیرم،
گونده بیر مژده ایله آللا دیر اغیار منی.
شب هجران منی، ای ماه، تمام ائتمیش ایدی،
ساخلاییب زنده بئله وعدۀ دیدار منی.
فرحیمدن اؤلرم گر سنی بیردن گؤرسم،
گلمگیندن ایره لی ایله خبردار منی.
دور گفتار دهانینلا ائدیب دیر خوشحال،
ای لبین صدقه سی، یوخ دان ائله ین وار منی.
بولبول گولشن قدس ایدیم، عزیز دو جاهان،
بیر گول عشقینده فلک ائیله‌دی گؤر خار منی.
سیّد، عمّامه می آل باشدان ایاغ مئیه وئر،
سرگرانم توت الیم، ائیله سبکبار منی.