منو
سیّدا، یاری گؤرونجه وصلده اغیارایله
اولمایایدی منده، یا رب، بو محبت کاشکی،
یا کی هرگز اولمایایدی درد فرقت کاشکی.
اولمایایدیم اول پری عشقینده روسوای جاهان،
چکمییدیم دوست و دشمندن شماتت کاشکی.
گؤستریب اوّل وفا، آخر اولورلار بیوفا،
اولمایایدی خوبرولرده بو عادت کاشکی.
یا وئریدی حق سنه بیر رحم، ای بیدادگر،
یا اولایدی منده بو هجرانه طاقت کاشکی.
اینجه‌ییب آه و فغانیمدان، کم ائتدین جور ونو،
ائتمییدیم جور و ظلموندن شکایت کاشکی.
سیّدا، یاری گؤرونجه وصلده اغیارایله،
خود قالایدیم هجرده دیداره حسرت کاشکی.