منو
کاکیلین شوقی ایله سیّد سرگشته کیمی
سنسیز، ای روح روان، تنده توانیم یوخ ایدی،
تن زاریمدا توان، جسمده جانیم یوخ ایدی.
اؤلمه‌ییب هجرده کیم وصلینه یئتدیم، ای مه،
سخت جان اولدوغوما بؤیله گمانیم یوخ ایدی.
اولماسا کیمسه غمیمدن منیم آگه دئیبن،
گرچی دردیم چوخ ایدی، آه و فغانیم یوخ ایدی.
تا سحر زلف سیاه و دهنین یادی ایله،
یوخ ایدی شب کی، منیم سوز نهانیم یوخ ایدی.
کاکیلین شوقی ایله سیّد سرگشته کیمی،
دولانیردیم، او سر کوده مکانیم یوخ ایدی.