گؤردوم کی، اولفتیمدن ائدر عار دلبریم

دلبسته اولماسایدیم اگر زلف یاره من،
چوخ دا بو گونه اولماز ایدیم بخت قاره من.
آغاز اولفتیمده گؤره ن لطف و یاردن،
ایندی رقیب ایله گؤرورم آشکاره من.
ایستر جدا همیشه او مهپاره دن منی،
بیلمم نه ائتمیشم فلک کج مداره من.
اغیاره التجا ائدیرم ایندی هجرده،
قالدیم غمینده گؤر نه یامان روزگاره من.
ای درد و غم، قویون منی بیر اؤز قراریمه،
بیر چاره ائیله ییم بو دل بیقراره من.
اول لعل روخ فراقی ایله اشک آلدن
دؤندرمیشم جاهانی بو گون لاله زاره من.
گؤردوم کی، اولفتیمدن ائدر عار دلبریم،
چکدیم اؤزومو، سیّد، او گول دن کناره من.