گفتگوی لب شیرین و شکردن غیری

دل و جان واله هر گولروخ جانانه ایدی،
گرچی جانانه‌لرین قصدی دل و جانه ایدی.
کؤنلومه دوشموش ایدی، بیر نئچه بت لر هوسی،
بیر زامان بیت خدا دهرده بتخانه ایدی.
سوزش نار جفادن ائلمزدی پروا،
هاردا بیر شمع گؤره دورونه پروانه ایدی.
دیل شیدا سر گیسولره اولموشدو اسیر،
باغلانیب سلسلۀ عشقده دیوانه ایدی.
هاردا بیر رشتۀ زلف اولسا، اولوردو منه دام،
کیمده بیر دانۀ خال اولسا منه دانه ایدی.
هر بت گولروخ پیمان شکنین عشقی منه،
عهد و پیمانیمیزین شاهدی پیمانه ایدی.
گفتگوی لب شیرین و شکردن غیری،
هر نه کیم صحبت اولا سیّده افسانه ایدی.