تا حب علی دن مئی سیّد کیمی نوش ائتدیم

ای ساقی گول چهره، ماه رمضان اولدو،
گولزار روخ دلبر ضعف ایله خزان اولدو.
دیلدار توتوب روزه، ضعف اولدو اونا قالیب،
سان یئنگی چیخان آیدیر، چرخ اوزره عیان اولدو.
قاچمیش او گول آلین لعل لبی نین قانی،
باغریم توتولوب غمدن، غنچه کیمی قان اولدو.
آشفته اولوب کاکیل ابروی کجین توتدو،
ماه ایدی بو عید اوچون ابر ایچره نهان اولدو.
آچیلدی در مسجید، جمع اولدو ریا اهلی،
باغلاندی سر مینا، غمدن خفقان اولدو.
نیت گئجه سی وئردیم ایمانی، شراب آلدیم،
سود اولدو بو سوداده، زاهد، نه زیان اولدو؟
تا حب علی دن مئی سیّد کیمی نوش ائتدیم،
سرمستلیگیم، ساقی، مشهور جاهان اولدو.