سوردوم کی، رقیب ایله اوتورماق ندیر، ای شوخ

اکرام ائدر او گول منه اغیار یانیندا،
تا ائتسین اؤزون سئوگی لی هر خار یانیندا.
مقصود بو کیم، من اولام آزورده، رقیبی
اگلش دیره اول یار دل آزار، یانیندا.
سوردوم کی، رقیب ایله اوتورماق ندیر، ای شوخ،
گولدو، دئدی: گول دایم اولور خار یانیندا.
شادم کی، گؤزون فکریدی پیوسته کؤنولده،
خوش دور کی، طبیبی اولا بیمار یانیندا.
هر خار نه وئرسین عرق رویوه قیمت
کیم، قدری گولابین اولور عطار یانیندا.
هاشا کی، گول تر اولا رخساروه نسبت،
گول خاره دؤنر اول روخ گولنار یانیندا.
گر اول سنمین زلفی غمیندن اؤله سیّد،
دفن ائیله دین اول صاحب زنّار یانیندا