سیّد گئدر، دئدیم، سر کویوندن، ای پری

سانما کی، چشمدن اوزومه اشک تر گلیر،
بو چشمه خشک اولوب، دخی خونی جگر گلیر.
ای موج اشک آخما، دخی توتما یوللارین،
بیر رهگذار وئر، او بت سیمبر گلیر.
گه یاد زلفون ایلییرم، گاه کاکیلین،
بیر فکری ائتمه‌میش، دله فکر دیگر گلیر.
کسمه امید وصل دن ایام هجرده،
ای دل، بو شام کیم گئدر، آخر سحر گلیر.
گر مژدۀ وصالی گله، یوخدو فایده،
جانیم چیخار فرح دن، اگر بیر خبر گلیر.
دنیایه گلمییر نه سبب بیر وفالی یار،
باعث ندیر کی، بیر بیریندن بتر گلیر؟
سیّد گئدر، دئدیم، سر کویوندن، ای پری،
گولدو کی، کؤنلو منده دیر آنین، گئدر، گلیر.