هردم اؤلور گؤرنده رقیب ایله یارینی

خط گلدی روی دلبره، ای دل، حجابی وار،
زلف سیاهی تک او گولون پیچ و تابی وار.
هرچند حسنه یازدی غزل کیلک صونع خط،
اما روموز نازه هله یوز کتابی وار.
گلدی خطی اگرچی اوزه خار خشک تک،
گولبرگ تردی لعلی، هله آب و تابی وار.
بو شرمدن کی، دل – اوزون آیینه دیر – دئمیش،
سیماب کیمی لرزه ائدر، اضطرابی وار.
یاد لب نگاریم ایله وردوغونا لاف
اولدو حرام باده، دلین ایجتینابی وار.
رنجیده ایله‌ییب گولو بولبول فغان ایله،
باشین چکیب قانادینا، گول دن حجابی وار.
بولبول، کئچیرمه باغده غفلتله عمروو،
گول آچیلیبدی، گئتمک اوچون چوخ شیتابی وار.
هردم اؤلور گؤرنده رقیب ایله یارینی،
اؤلدورسه سیّدی او شاهه چوخ ثوابی وار.