کیمین زلفونه بند اولدونسا، سیّد،بیوفا چیخدی

سنی اهل وفا بیلمیشدیم، ای گول، بیوفا سنمیش.
باغیشلا، بیلمدیم بیگانه لرله آشنا سنمیش.
سنی آیینۀ مقصود ساندیم روبرو دوردوم،
گؤروندو عکس صورت، آننادیم کیم، کج نما سنمیش.
سنی یوسف بیلیب، وئردیم کؤنول ملکونده سلطانلیق،
عزیزیم، نور عینیم، سن گدا اوغلو گدا سنمیش.
سنی عشاق اوچون سؤیلردیم اول رحمت حقسن،
ولی، ای ماهرو، سن گؤگ دن ائنمیش بیر بلا سنمیش.
کیمین زلفونه بند اولدونسا، سیّد،بیوفا چیخدی،
شکایت ائتمه بیر کس دن، اؤزون بختی قرا سنمیش.