منو
سیّدا، عالم صورت اگر اولسایدی فنا
اولدو سنسیز چمن، ای گول، من شیدایه قفس،
نه چمن، جمله جاهان دیر من روسوایه قفس.
عاشیق آزاده گرک دیر کی، دؤنر زیندانه
برگ گول دن اولا گر بولبول شیدایه قفس.
آغلادی بولبول اگر من کیمی هجران گئجه سی،
نه اوچون دؤنمهدی بیر موج لو دریایه قفس؟
عندلیب چمن و گولده اولان ذات شریف،
نه عجب دیر دگه گر جملۀ دنیایه قفس.
سیّدا، عالم صورت اگر اولسایدی فنا،
لفظ لر اولماز ایدی دهرده معنایه قفس.