سیّدا، سال بوینوا زنّار زلف یاری سن

ای کؤنول، لعل لب جانانه ائیلرسن هوس،
مخفی قالسین سؤز، نهانی جانه ائیلرسن هوس.
گه سؤزون میخانه دیر، گاهی خیالین ساقیدیر،
جنّت ایسترسن، یقین قیلمانه ائیلرسن هوس.
یوخ ایشین سرّ دهان یاری سورماقدان سیوا،
سن مگر هر نکتۀ پنهانه ائیلرسن هوس.
ای دل مجروح، یوخ مشک ایله زخمین سازیشی،
بس نئچین اول زلف مشک فشانه ائیلرسن هوس.
گه تمنا تیغین ائیلرسن، گهی پئیکانینی،
یاردن هر لحظه بیر احسانه ائیلرسن هوس.
ای خیال یار، چیخمازسان کؤنول دن، بیلمزم
سن نئچون بو منزل ویرانه ائیلرسن هوس؟
سیّدا، سال بوینوا زنّار زلف یاری سن،
عشقده گر رتبۀ سنانه ائیلرسن هوس