سیّد گؤزوون بس کی، گؤروب جور و جفاسین

دیل ائتسه نولار سینۀ صدچاکه تشبث،
سویه باتان ائیلر خس و خاشاکه تشبث.
تنگه گلیب آه جگریم آتش دلدن،
دود ایله چیخیب ایلییر افلاکه تشبث.
دیل عکس روخون آتش ایله خاکده گؤرموش،
گاهی ائلییر آتشه، گه خاکه تشبث.
شاید کی، ائده درک سنی قووۀ ادراک،
سلطان خیالیم ائدیب ادراکه تشبث.
چنگ اور او کسه، ریجس دن ائتمیش اونو حق پاک،
پاکیزه اولان گوهر ائدر پاکه تشبث.
فیتراک نگاریمدا منیم صید اولان آهو –
بو بیسمی ل دل ائیلر او فیتراکه تشبث.
سیّد گؤزوون بس کی، گؤروب جور و جفاسین،
بوندان ائله‌ییب غمزۀ بی باکه تشبث.