اونو تصحیف ائله سن وار بو معماده فرح

دئدی لر خلق کی، وار بادۀ همراده فرح،
یارسیز گؤرمدیم اول جام غمف زاده فرح.
یارسیز نئیلییرم سئیر گولو گولزاری،
اولماسا یار، اولومو جنّت ماواده فرح؟
شب معراج وصالین منی زار ائتدی رقیب،
گؤرمدیم، سئیر ائلدیم چرخ معلاده فرح.
چشمی بیمارینا مربوط دور، ای گول، فرحیم،
باخمیشام یوز کره، یوخ نرگس شهلاده فرح.
داغیم اولدوقجا فزون شاد اولور آشفته کؤنول،
طفل اوچون ایدده وار زینت کالاده فرح.
یاریمین آدینی بیلدیکده فرح حاصل اولور،
اونو تصحیف ائله سن وار بو معماده فرح.
سیّدا، ایله فرح، چکمه بو دنیا غمینی،
چونکی بئش گونلوک اولور بولبول شیداده فرح.