بو جور و جفانین، دخی، آزی چوخ ایمیش، چوخ

اول لاله روخون عشوه و نازی چوخ ایمیش، چوخ،
عشاقه اونون سوز و گودازی چوخ ایمیش، چوخ.
محراب دو ابروده کؤنول خیلی زامان دیر
قالمیش، بیلیرم، راز و نیازی چوخ ایمیش، چوخ.
بیر کعبه دئگیلمیش بو صفا اهلینه قیبله،
محبوب حقین ملک حجازی چوخ ایمیش، چوخ.
مدتدی کی، قیللام قدمین داشنا سجده،
عشقین بو مقام ایچره نمازی چوخ ایمیش، چوخ.
من آز بیلیردیم منه انامینی یارین،
بو جور وجفانین، دخی، آزی چوخ ایمیش، چوخ.
بو سلطنت عشقده محمود تاپیلماز،
هر گوشه ده آفاقین ایازی چوخ ایمیش، چوخ.
یوخ دهرده بیر کس کی، اولا عارف حق بین،
سیّد، آرادیم عشق مجازی چوخ ایمیش، چوخ.