ابلهین فکرینی گؤر، دلده تمناسینا باخ

زاهدا، اول سنمین زلف چلیپاسینا باخ،
آچ بصیرت گؤزوو، نرگس شهلاسینا باخ.
آیۀ خمر اوخویور، نفع ینی انکار قیلیر،
توتدوغو فعلی نی گؤر، وئردیگی معناسینا باخ.
جنّته گئتدی و یا دوزخه مورده، نه غمین،
ارثینه دیک گؤزوو، کولچه و حلواسینا باخ.
ایستییر جنّتی زاهد بو قدر حیله ایله،
ابلهین فکرینی گؤر، دلده تمناسینا باخ.
دیل دیوانه سئون جان تک او زلف سیهی،
باشی نین شورینی گؤر، عشقده سوداسینا باخ.
سانما بو سیّدی سن اهل جهنم، واعظ،
نئیلییرسن عملین، دلده تمناسینا باخ