ممکنون واجیبه یوخدور یولو، ای سیّد زار

آخر دهر نه ممکندو فنادن غیری،
کیمسه باقی دئگیل عالمده خدادن غیری.
عالم فانییه ال ورما کی، یوخدور ثمری،
ائیله‌مه هیچ طلب ملک بقادن غیری.
بیوفا ماه لره وئرمه کؤنول، خوار اولوسان،
گؤرمه سن درد و غم و جور وجفادن غیری.
لب شکّرشیکه نیندن سنه دوشنام وئریر،
گرچی سن ائیله‌مه سن خیر دعادن غیری.
تاپماسان کیمسنه کی، درد دل اظهار ائده سن،
همدم اولماز غموه باد صبادن غیری.
هر نه ظلم ایله سه دلدار گرک صبر ائده سن،
یوخدو بو بابده بیر چارا رضادن غیری.
عاشیق اول پرتو رخسارۀ شمس ازه له،
تا کی سن گؤرمه یه سن نورو ضیادن غیری.
اول خداوند احد عشقینه جاندان راغیب،
یوخدو بو کعبه ده چون ذوق و صفادن غیری.
ممکنون وار کی، یولو ممکنه عاشیق اولسون،
پس طلب ائیله‌مه سن مهر و وفادن غیری.
صورت واجیبی ممکنده تمنا ائله سن،
او دا ممکن کی، دئگیل شیر خدادن غیری.
چنگ ور عوروت وسقای ولیوللاهه،
گؤرمه سم روز جزا لطف و عطادن غیری.
ممکنون واجیبه یوخدور یولو، ای سیّد زار،
گؤرمدیم سنده بیر آثار خطادن غیری.