منیم تک اولمایا محروم گولعذاریندان

خوشا اول عاشیقه کیم مجلسینده یاری اولا،
وصال یارده فرخنده روزگاری اولا.
نئچه رفیق موافقله اگلشیب ایچه مئی،
نه کسری مجلس مئی دن، نه انتظاری اولا.
شرابه اولماسا دا گرچی نقد سیم و زری،
شرابخانه ده باری بیر اعتباری اولا.
بو گونه قویماز ایدیم، زلفوه اسیر اولسون،
اگر الیمده دل زارین اختیاری اولا.
ایلاهی، بولبوله اولسون همیشه گول همدم!
مودام او خسته دلین گولشنی، باهاری اولا.
منیم تک اولمایا محروم گولعذاریندان،
نه غصه دن اورگی قان، نه خار خاری اولا.
بهشته میل ائلمز، سیّدین اگر، ای گول،
یانیندا سن کیمی بیر یار گولعذاری اولا.