شاهباز بئی یه

شاهباز بئی یه

ساقیا، آب غمگدازی گتیر،
وئر یئنه تازه دن حیات منه.
بی ثباتم شراب درغم سیز،
سیل مئی دن گرک ثبات منه.
آچ بو سینای خوم تجّلاسین،
ظاهر اولسون بو شعشعات منه.
مئی حدیثیندن اؤزگه هر صحبت
بیل گلیر نقل باطلات منه.
طوره زار جاهانی ترک ائتدیم،
وئرمه‌دی سود طوره هات منه.
ساتیگینی شراب ایمان دیر،
سرّ پنهانه کاشفات منه.
عرق و بادۀ نوش صفا دیر.
دم غمده مفرحات منه.
دردمندم، غمه گرفتارم،
درد مئیدن اولور نجات منه.
شاهدیم، بئیدقیم تامام اولدو،
اوز وئریب دیر اویوندا مات منه.
شش دره دوشدو مهرۀ بختیم،
تنگ اولوب ایندی شعشعات منه.
وصل بوس کنار دلبردن
خلقی گلیر ایندی مییسکورات منه.
اوندا چون وار بت تجّلاسی،
کعبه دن خوشدو صومعه آت منه.
منی کافیر بیلیرسوز مؤمن لر،
نه غنی یم، بسدی مؤمیییات منه.
ساقی، ای ساغرین مئی روشن،
بوی جام معطرات منه.
دئییلم من حسین اوسر، نئچون
باغلانیب دیر رود فرات منه؟
اولمادی بو حزین تئیبدماغ،
یئتمه‌دی جام طیبات منه.
من سدین اوزو قارا اولسون
کی، اولوب بسته کاینات منه.
یوخسا اول شاهباز اوج سخا
بئله اولمازدی بی صفات منه.
وار امیدیم کی، وئرمه یه هرگز،
بیر خلل لات ایله منات منه.
لات و لوتم، اوگرچی شهبازیم
خوش دئییل وئرسه یوز مانات منه.
او گرک اؤز قدیمی لطفوندن،
گؤستره فیض باسیقات منه.
شاهباز بلند پروازیم
هر ایل ائیلردی التفات منه.
گؤندریردی هر ایل وظیفه میزی،
لطفو اولموشدو واجبات منه.
گؤردو اول شه بو ایل پیاده منی،
حالیمی بیلدی، قالدی مات منه.
روخ توتوب اول وزیر پیل فکن
کیم، بیر آت ائیله‌ییب برات منه.
بوغدا هم گئتدی، گلمه‌دی آتیم،
وئردی یوز یوز موشبیهات منه.
دوقّوز آیدیر تامارا، دوقّوز گون،
ائتمه‌دی وضع حمیلات منه.
یوخسا آبا علوی اولموش اقیم،
بیر ولد وئرنینوز امّهات منه.
یوخسا طبعیم دوشوب بوکارتدن،
سود وئرمز بو سیییبات منه.
متراکیم اولوب سحاب هوا،
اون قیلماز بو ناشیرات منه.
نخل امیدی قیلدی پژمرده،
بو صفات ایله آصفات منه.
ظلمتی نور و نوری ظلمتدن
ائیله مز فورق فراغت منه.
ای قلم، ائیله گوهرفشانلیق،
دور وئر، ای ظلمت دوات، منه.
قند اشعار وئر، دئییل لازیم،
نه ثمرقند، نه هرات منه!
گرچی شهباز بوغدا ائتمز عطا،
دارینی وئرسه بسدی طاعت منه.
تات طبعیمدو، داری شعر تریم،
لطف ائدیب رب کاینات منه.
داریی شعریمی وئرم قوشا گر،
قوش وئرر اوچماغا قانات منه.
اللی بئش ایلدو عمرومون قدری*،
روزمی حق قیلیب برات منه.
ایندی عمروم یئتیبدی پایانه،
یئتیشیب دیر دم ممات منه.
یئنه بیر نوع ایله دولاننام من،
نئچه ایل گر اولا حیات منه.
ای فلک، سود وئرمه‌دی هرگز،
شعر بکر و معلمات منه.
گرچی دستیمده یوخدو مال و منال،
وئرمه‌ییب ال مطحرات منه.
گر تهیدست دولتم، لاکین
شردیر کوزۀ منات منه.
فلک عزتین منم قطبی،
خوشۀ چرخ دیر زکات منه.
شاهبازا، بلند پروازا!
کشف اولوب سرّ قاییبات منه.
آدمم، قسمت اولمادی گندوم،
نیه باخماز او نیک ذات منه؟
نه، “بیجو” دان گلیب منه گندوم،
نه وئریر حبه ایی “بویات” منه.
سابا بیرگون دورار دییرمانلار،
بوغدا çoknwkdə یوخ نوبات منه**
وار امیدیم کی، تازه دن کرمین
وئره، ای سروریم، حیات منه.
نکته گیران قوم بدطینت،
توتماسین تا کی بیر تیوکات منه.
بس کی مشتاق شوقونم، ای شه،
بد گلیر نغمۀ بیات منه.
شاه بازیم، وضیفۀ سالی،
گتیریردی هر ایل ائلات منه.
نیه تغییر تاپدی احسانین،
نیه اولدون بئله بویات منه؟
سیّدا، بسدی، ائیله ختم سخن،
گله جک، قورخما چوخ برات منه.
—————————————-
* هجری قمری تقویمله گؤستریلیر.
** çoknwkdə ؟