سلطان محمودون باغی

سلطان محمودون باغی

سلطان محمود غزنوی بیر قطعه باغ سالدیرمیشدی کی، روضۀ رضوان کیمی دلگشا، فردوس برین کیم بهجت فزا ایدی. بیر گون اؤز آتاسی ناصرالدین سبکتکینی او باغا دعوت ائله دی. انواع و اقسام اکل وشوربدن سونرا آتاسیندان سوروشدو کی، ای پدر مهربان، صفحۀ عالمده بوندان دلگشا باغ اولورمو؟
ناصرالدوله دئدی کی، ای اوغول، بو بیر باغ دیر نهایتده زیبا وغایتده دلگشا. اما ارکان دولت و ملازمان حضرتدن هر بیر کس خواهش قیلسا، بو باغین مثلین ترتیب ائده بیلر. پادشاه لار گرک بیر ائله باغ سالسینلار کی، سایرلر اونون مثلین عمله گتیرمک دن عاجز قالسینلار و اونون میوه‌لری هئچ بوستاندا عمله گلمه سین.
سلطان عرض ائله‌دی کی، او هانسی باغ دیر؟ جاواب وئردی کی، او باغ باغ تربیت و نهال مدلت دیر کی، حکما و شعرالاردان آباد اولا. تا او باغ دان بیر ثمره حاصل اولا کی، سرد و گرم، زمستان و تابستاندان مسنون و محفوظ اولا.
بو کلام سلطان محمودا پسندیده گلدی.