پادشاهین مجلس اهلینه سئوالی

پادشاهین مجلس اهلینه سئوالی

ائتدی بیر پادشاه مجلس خاص،
جمع ایدی بزمده عوام و خواص.
دئدی اول پادشاه صاحب حال،
عورتیندن او کیم، دئیل خوشحال،
دورسون اول کس آیاغه سرعتله!
هامی سی دوردولار اجابتله.
بیر نفر دورماییب آیاغه روان،
دئدی اول پادشاه ملک جاهان:
– دورمادین تئز آیاغه، صد احسن!
راضی سان یوخسا عورتیندن سن؟
دئدی:– هیهات، ای خدیو جاهان،
دورماغا یوخ بدنده تاب و توان.
دئیلم راضی، ای فلک شوکت،
قیچیمی سیندیریب بو گون عورت [. . . ]