اوغلوما مراجعت

اوغلوما مراجعت

جعفرا، باور ائیله کیم، قرآن
وحی دیر، نازل ائیله‌ییب صبحان.
واردی پیغمبر عصری چوخ شعرا،
ائتدی لر چوخ قصیده‌لر انشاء.
اونلارین مایه سی فصاحت ایدی،
هامی سی منبع بلاغت ایدی.
نئچه غرّا قصیده ملحق ایدی،
خانۀ کعبه دن معلق ایدی.
یازیب اصحاب لر نئچه آیه،
تا کی وئرسین شکست او انشاءیه.
آسدیلار بام کعبه دن آنی،
شاعرین ظاهر اولدی بطلانی.
اولدی “یا ارضُ اِبْلَه”یی* پیدا،
اول “غفا نبکه” وردو نبک غفا.
مهو ائدیب سبۀ معلقنی،
زایل ائتدی جدال و لقلقه نی.
انس و جن اولسا جمع، ای دانا،
ائده بیلمز بیر آیه سین انشاء.
حق کلامی هارا، کلام بشر؟
اونو انکار ائدن بلایه دوشر.
خوش دئییب دیر نظامی استاد،
حق اونون قبرینی قیلا آباد!
گنجه یانیندا قبری ویران دیر،
گنبدی تورپاق ایله یکسان دیر.
“سخن از عالم کبود آمد،
سخن از آسمان فرود آمد.
گر بودی گوهری ورای سخن
آن فرود آمدی به جای سخن”
بحر وحدتدن آیریلیب اول دوّر،
ابتدادا کلام نفسی دور.
لوحده بیر وجود دور کتبی،
جمله آیات یابس و رتبی.
ای اوغول، حضرت رسوله آنی،
گتیریب جبرئیل هر آنی.
سوره بر سوره، آیه بر آیه
نازل اولموش رسول بطحاء یه
حق کلامی، او محکم و تنزیل –
کی، چکیب مدتی ایگیرمی اوچ ایل[. . . ]
بو صفت جوهر نفیس کلام،
بیل، ایگیرمی اوچ ایلده اولدی تمام.
اودور اثباته معجز باقی –
کی، قویوب زار و عاجز آفاقی.
وار ایدی اولی پراکنده،
اونو بیر نوع اوخوردو هر بنده.
بو سببدن کی، تاپماسین تحریف،
مثل بوته نه کیم، اولوبدو خفیف،
اونو جمع ائتدی حضرت عثمان،
بو هامان جمع دیر کی، وار الان.
گرچی معناسی غیر آسان دیر،
کاغیذی، خطی، جیلدی قرآن دیر.
هاردا گؤرسن کلام صبحانی،
اؤپوبن قوی گؤز اوستونه آنی.
معجز حقدو باطن و ظاهر،
مسّ ائتمز مگر اونی طاهر؟
ای گؤزوم نوری، ای عطای خدا،
وئرمه تفسیرسیز اونا معنا:
چکیبن رنج و زحمت بیشمر**،
اونو تفسیر ائدیب مفسرلر.
بیلمه سن هر بیرین او آیتدن،
گئدیبن اؤرگن اهل خیبرتدن.
اولما سن اول چوبان کیمی نادان،
ناگهان یولدا تاپدی بیر قرآن،
دئدی کیم، یاخشی اولدی بو حالت،
منه تاری یئتیردی هم صحبت.
آچدی قرآن پاکی اول احمق،
چئویریب ائیله‌دی ورق به ورق.
گؤرموشم سنده واردی خوش آواز،
بیر زامان هم چوبانه اول دمساز.
گؤردو کیم، خیر، لال دیر قرآن،
یئره قویدو الیندن اول حیوان.
وردو قرآنه بیر نئچه دینک،
دئدی:– گؤردو چوبانی اولدی کنک.
موللانی گؤرسه میرت میرت دانشار،
لال اولور بیزده، بیلدیگین ده چاشار [. . . ]
———————————–
* ای یئر، اونی [قارونو] اود!(آیه)
**بی شمار:سای سیز، حساب سیز