مناجات

مناجات

بار ایلاها، به حق هشت و چاهار،
خواب غفلتدن ائت بیزی بیدار.
بو قدر بیلمیشم کی، ای مولا،
بیردو معنادا مختلف اسماء.
احد و احمد و بشیر و نظیر
بیر کسین آدیدیر التّقدیر.
آدام و نوح وصالح و موسی،
زکریا و حضرت عیسی
هامی سی بیر وجود ساری ایمیش،
مظهر فیض کلّ باری ایمیش.
صمدا، خالقا، خداوندا!
ای ائدن صنع عالمی پیدا.
عارف ائتدین بیزی بو اسمایه،
ائیله واصل داخی مسمایه.
لفظ حسنون نه ایسه معناسی،
اهل عشقین اودور تمناسی.
عارف و کامل ائتدی نفی صفات،
تا کی ذات حقی ائده اثبات.
سیّدا، فاش قیلما اسراری،
یوخدو بو گوهرین خریداری.