کندلی احوالاتی

کندلی احوالاتی

شهره وارد اولور بیر اهل دهات،
قالیر اوضاع خلقی گؤرجک مات.
گؤرور اول بینوا کی، بیر باققال
بوزدان ائیله یوب تباقی مالامال.
سسلنیر هر زامان کی، آی یخه سر،
صاف، دوردانه، آی هارای، یخه سر.
بوز قویوبدور کیشی قاباغیندا،
یخه سر یوخ بونون تاباغیندا.
مطلع اولماغا بو احواله،
بیر مانات پول وئریر او باققاله –
کی، هانی بس، گتیر منه “یخه سر”،
آدی وار، لیک یوخ اؤزوندن اثر.
بیر ایکی پارچا سیندیریب باققال،
دئدی:– قارداش، چاغیر گله حمال.
دئدی:– سندن من ایسترم یخه سر،
بوزا پول وئرمییمده یوخدور اثر.
دئدی باققال او مرده:– کئی ساده،
“یخه سر” بوز دئمکدو معناده.
بیلدی معنا، اویاندی غفلتدن،
قویدو قاچدی پولونو خجلتدن.