اوغلوما نصیحت

اوغلوما نصیحت

ای اوغول، بیل کی، اول عطا کانی
خلق ائدیب سندن اؤترو دنیانی.
سنه ائتمیش مسخر افلاکی،
باشنا قویدو تاج لولاکی،
مه وخورشید و چرخ و ابرایله باد
سندن اؤترو اولوبدولار ایجاد.
سندن اؤترو بولار نمایاندیر،
امروه جمله بنده فرمان دیر.
ای اوغول، ارض و آسماندو سنین،
اصلده کون ایله مکاندو سنین.
آشنا دیر بولار سنه یکسر،
چشم بیگانه ایله ائتمه نظر.
او چوبان کیمی اولما، ای خوشخو،
ناگاهان تاپدی یولدا بیر گوزگو.
الینه شادمان آلدی چوبان،
باخیب اؤز عکسین اوندا گؤردو عیان.
دئدی:– عفو ائیله، ای ملایک خو،
ائله بیلدیم کی، سنگ و گیل دیر بو.
عکسینی اؤزگه کس خیال ائتدی،
قویوب آیینه نی یئره، گئتدی.