چوبان احوالاتی

چوبان احوالاتی

ناگاهان شهره گلدی بیر چوبان،
گزدی بازاری هایم و حیران.
گؤردو بیر خوشترانه، بئین الناس
سؤیلییر:– اسّبیل، یا عباس!
وئردی بیر پول، ایچدی بیر کاسه،
دئدی:– لایق دئیل بو عباسه.
ناگاهان گؤردو اول عجیبه صفات
اوجادان سسلنیر بیری:– صلوات!
وئردی اوچ پول، ایچدی سلب دن،
دئدی:– بو یاخشیدیر او مشرب دن.
شهردن چیخدی تیشرا، اولدی روان،
گؤردو شهره گئدیر بیر اؤزگه چوبان.
نئجه کیم، رسم رهرواندی بو حال،
بیر بیریندن سوروشدولار احوال.
دئدی اول شهردن گلن چوبان –
کی، مبادا سبیله آللاناسان!
بیل کی، عباسه لی دئیل بیر زاد،
یئنه صلواتدن گلیر بیر داد.