اوغلوما نصیحت

اوغلوما نصیحت

اگر اولسایدی عقل ایله دولت،
اولان عقلی تاپاردی بس عزت.
دولت اولسایدی گر فراستله،
نیه نادان اولوردو دولتله؟
بیته میزین اگرچی دولتی وار،
غم یئمه، حق یانیندا حکمتی وار.
بخت و دولت دئیل کمال ایله،
تاپماق اولماز اونی خیال ایله.
بئله جاری اولوب قضا و قدر،
هر کسین لایقین جه دیر ایشلر.
بیل کی، تقدیر امردیر ماضی،
اول قضای خدایه سن راضی.
دولت اولسایدی حالوه لایق،
ائتمز ایدی مضایقه خالق.
یوخدو خالقده ذره بخل و حسد،
بو خیالی ائدن اولور مرتد.
سن چالیش دولت ائتمه یه حاصل،
گر مقدر اولوب، اولور واصل.
لیک چوخ جد و جهد بر وئرمز –
کی، کؤتوک سوز آغاج ثمر وئرمز.
چوخ حریص اولما، ای ملایک خو،
جهد ییرتار چاریق، مثل دیر بو.
دانه سپ، قیل توکل آللاهه،
ایشیوی قیل محول آللاهه.
گلمه‌میش سن جاهانه، ای دانا،
روزوی قسمت ائیله‌ییبدی خدا.
حق کی، مفته سنه وئریب دیر جان،
دیش وئرن کیمسنه وئرر هم نان.