مجنونون جاوابی

مجنونون جاوابی

دئدی مجنونا بیر نفر هوشیار:
لیل افضلدی، سؤیله، یا کی نهار؟
دئدی:– مشهوردور بو، ای احول،
لیل اولوبدور نهاردن افضل.
لیلده نام لیلی اولدی عیان،
بو سببدن اولوب عزیز جاهان.
دئدی کیم، ای عزیزلر جانی،
ائتمیسن ختم سؤیله قرآنی؟
دئدی:– “واللیل”ده من گمنام
ائتمیشم مکتب ایچره ختم کلام.
دئدی:– بیر سوره ده واریندی هنر؟
دئدی:– “واللیل”ی ائتمیشم ازبر.
اولدی “واللیل”، ای ادب کانی،
بهترین سوره های قرآنی.