ساده لوح نوکر

ساده لوح نوکر

سیّدا، اولما احمق ایله یار،
تا سنی احمق ائتمه سین زنهار.
بئله تقریر ائدیب دیر اهل بیان –
کی، مؤثردیر الفت انسان.
ائله تصدیق کیم، بو سؤز حق دیر،
احمقین یولداشی هم احمق دیر.
احمقین یوخدور عقل ایله کاری،
بیلمز احمق سیاق گفتاری.
سن دئیرسن کی، آسمان دیر بو،
او دئیر، آری، ریسمان دیر بو.
گوش قیل کیم، بو خوش روایت دیر،
گرچی بیر مختصر حکایت دیر:
وار ایدی بیر امیر صاحب زر،
مزد ایله ساخلامیشدی بیر چاکر.
لیک اول چاکر احمق ایدی، زبون،
فهمدن دور، هوش دن مغبون.
دئدی بیر گون امیر او گمراهه –
کی، فلان کیمسه گلسه درگاهه،
منی سندن سئوال قیلسا اگر،
دئگیلن ائوده یوخدو، گئتدی سحر.
باشا دوشدینمو من دئین حالی،
یاخشی اولدینمو بو سؤزه حالی؟
دئدی:– دوشدیم باشا بونو، اما
نه دئییم گلمه سه بس، ای مولا؟