حجاج ایله درویشین صحبتی
بیر دعاسی قبول اولان درویش
سالدی باغداد شهرینه تشویش.
هر نه حاجتچون ائیله سئیدی دعا،
او دعانی قبول ائدردی خدا.
اونو حجاج ائیلهدی احضار،
دئدی:– قیل بیر دعای خیر اظهار.
ال گؤتوردی، دئدی: خداوندا،
جسمدن جانینی سن ائیله جدا!
دئدی حجاج: – ای ملایک خو،
سنی تاری، نه بد دعا دیر بو؟
دئدی: – بو بیر دعای احسن دیر،
هم سنه، هم بیزه محسّن (نیکو، زیبا) دیر.
سن اؤلوب ائتمه سن گناه زیاد،
سیتمیندن جاهان اولور آزاد.
نه گرک دیر سنه بو تخت و بو تاج –
کی، اولوب پایمال هر محتاج.
مردم آزارلیق یامان ایشدیر،
بئله قالماقدان اؤلمیین خوش دور.