حجاجین سید لری قیرماسی

حجاجین سید لری قیرماسی

نئجه کی، یوسف ابن حجاجی
نقل ائدیرلر او صاحب تاجی،
بؤیله مرّ ائتمیش ایدی اول ابتر –
کیم، اولا قتل آل پیغمبر.
نئچه یوز آل احمدی اول عنید
ائله‌دی بغض باطن ایله شهید.
وار ایدی کؤشکونون ایکی بابی –
کی، رموزون بیلیردی اصحابی.
بیری سی باب قتل و بیری آمان،
پاسبانلار بیلیردی رمز نهان.
آل مختاری ائیله‌ییب احضار،
مجلسه اول پلید حیله شعار،
گفتگودن سورا او بدطینت،
جاری ائیلردی گئتمه یه روسخت.
هانسی نین قانینی بیلئیدی مباح،
باب قتلی اونا گؤروردو سلاح،
چیخجاغین باب قتل دن او نبیل،
پاسبانلار اونی ائدیردی قتیل.
گلدی بیر سیّد اؤز آیاغی ایله،
گفتگو ائیله‌دی او یاغی ایله.
دئدی:– ای بدخصال و بدکردار،
دشمن آل احمد مختار،
سنه نئیلیب دیر آل پیغمبر –
کی، بیزی قتل ائدیرسن، ای کافر؟
دشمن مرتضی و حیدرسن،
سن مگر کیم، جهود خیبرسن.
اولاجاق، ای لعین بی پروا،
روز محشرده دوشمه نین زهرا.
لعنت حقه سن دچار اولاسان،
ایکی عالمده خوار و زار اولاسان.
مرشدون کیم، سنین معاویه دیر،
منزلین روز حشر هاویه دیر.
روز محشرده اول خدای غفور
سنی ائتسین یزید ایله محشور.
اولموسان دشمن شه لولاک،
سن کیمی یوخدو مرتد بی باک.
خانۀ دینی ائتمیسن ویران،
لعنت ائتسین سنه خدای جاهان.
قیلدین آل خلیلی سن نابود،
یاناجاقسان سقرده، ای نمرود!
هانسی کافر دئیر سنه اسلام؟
ائیله دین آل مصطفی نی تمام.
شمردن سن بترسن، ای ملعون!
عالمی ظلمون ائیله‌ییب محزون.
نه دئسم آزدیر، ای یهود، سنه!
لعن اوخور گبرایله جهود سنه.
هانسی بیر قاپی دان اولوم اخراج.
منه واضح دیر ایندی، ای حجاج،
دئدی حجاج:– ای بلند اختر،
گئت سلامت قاپی دان ائیله گذر.
اؤزوو قیل اوزاق ندامتدن،
چیخ کناره در سلامتدن.
او دم اول سیّد نیکو کردار
او سلامت قاپی دان ائتدی گذار.
خلق قالدی بو حالته حیران.
قیلدی حجاج اونی نئچین احسان.
یالواریب آغلایانلاری اول عنید
ائیله ییردی گؤرن زاماندا شهید.
اونا بو سیّد ائیله‌دی نفرین،
دئدی یوز فحش، وئرمه‌دی تمکین.
عوض فحش ائیله‌دی احسان،
چوخ تعجبلو ایشدی بو اوندان.
بیر نفر بو عجب ایشی فی الحال
قیلدی حجاج دن بو نحو سئوال:
– ای امیر جلیل قهرشعار،
یوخدو قلبینده رحمدن آثار.
سنه نفرین دئدی او بی پروا،
نه سبب ائیله دین سن اونی رها؟
دئدی:– بو ایشده بیر حقایق وار،
رمز وار، نکته وار، دقایق وار.
من نئجه ائیله ییم اونا آزار –
کی، اولوم دهرده خیانتکار.
مصلحت ائیله‌دی منه، حقا
من ده قیلدیم سلاحینی افشا
منده یوخ رحم بیر مسلمانه،
باخمارام غیظ (خشم) و قهر صبحانه.
بیلمرم تاری وار، پئیمبر وار،
لیک خاینلییه یوخومدو شعار.
مصلحت ائیله سه منه بیر کس،
ائتمنم من اونا خیانت بس.
یوز اولا دشمن جفاپیشه
ائتمه نم من خیانت اندیشه.